بط بالروز ماري مقدم من الشيف هدير المصري
البط ب الروز ماري
مدة التحضير ١٠ دقايق
مدة الطهي من ساعه ونص الي ساعتين حسب كل بوتجاز
المقادير
بطايه وزن ٢ كيلو ونص او تلاته
معلقه كبيره من الروز ماري جاف
معلقه كبيره من الريحان جاف
حبهان ورق لورا رشة قرفه ناعمه رشة فلفل اسود
ملح زيت معلقتين صلصه كبار سبع بهارات
طريقة التحضير
هنجيب البطايه ونغسلها كويس
ونعمل تلت فتحات ف الصدر يمين وشمال
ونكتف الرجل
ونكون بنغلي ميا فيها ورق اللورا والحبهان والقرفه العيدان او الناعمه مع رشة الفلفل الاسود وسبع بهارات ونضيف البطايه وكل نص ساعه نقلبها ع الوش وبعدين ع الضهر
وهيا داخله ف السوا بنضيف الملح
ولما تستوي تشلها من الشوربه ونصفيها
نجيب طبق فيه معلقتين كبار صلصه وعليهم ربع كباية زيت
وعليهم رشة ملح ورشة فلفل اسود ورشة قرفه ناعمه
ومعلقة روز ماري جاف كبيره ومعلقة ريحان كبيره جاف
ونقلبهم مع بعض ونغلف بيهم البطايه كويس جدااااا
وندخلها الفرن علي رف وسط ونشغل الشبطه تاخد وش من كل الجوانب ونطلعها نجرنش ب جزر مبشور وخضرة مفرومه
وممكن نستبدل البطايه ب فرخه