كاسات الكنافه بالمانجا مقدمة من الشيف زينب احمد

كاسات الكنافه بالمانجا
المكونات
نص كيلو كنافه مجمده
2ملعقة كبيرة زبدة او سمن بلدى
2ملعقه كبيره سكر بودره
للكريمه
كيس كريم شانتيه
ربع كوب لبن مثلج
شربات تقل وسط
قطع مانجا
الطريقه

نحضر الشربات ونسيبه يبرد
(2 كوب سكر +كوب مياه +
عصير نص ليمونه + فانيليا )
نحضرالكنافه من الفريز الموضوعة مسبقا وضربتها في الكبه حتى تتفتت
وفي اناء علي النار ننزل بالزبدة وعليها الكنافه وابتديت احمر الكنافه مع التقليب المستمر عشان تاخد لون واحد ذهبي ، ولما بدأت تاخد لون نزلت السكر البودره
و بعد مااتحمرت نضعها في طبق واسع ونتركها تبرد لحين تحضير الكريمه

تحضير الكريمه

في بوله ننزل بربع كوب لبن مثلج او ساقع جدا مع بودرة الكريم شانتيه ونضربهم بالمضرب كويس جدا لحد ما الكريمه تتقل ونتركها
نحضر الكاسات و نرص اول طبقه الكنافه وعليها رشه عسل وعليها طبقه كريمه وطبقه مانجو قطع و كنافه تاني وعليها كريمه وعليها المانجا مكعبات
وتدخل التلاجة تبرد لحين التقديم