خبز الكايزر مقدم من الشيف هند محسن

خبزالكايزر

المقادير
نص كيلو دقيق
معلقة صغيرة ملح
معلقتين كبار سكر
معلقة خل
معلقه كبيره خميرة
ومحسن طبيعي عبارة عن ( معلقتين دقيق+ نص كوب ماء) نرفعهم علي النار مع التقليب لحد ما نوصل للقوام زي الصورة كده
٣ معالق زيت

الطريقه
نختبر الخميره الاول في ربع كوب ماء دافئ معاه معلقه سكر
نقلبهم ونتركها حتي تنشط
في بولة ننخل الدقيق ونضيف باقي المواد كلها ماعدا الزيت
ننزل علي الدقيق بالخميرة النشطة ونزود مياه للعجن شوية بشوية لحد ما تلم معانا العجينة والدقيق كله يختفي نضيف الزيت ونكمل عجن لحد ما تبقي عجينة طريه ملساء بتلزق شوية صغيرة في الايد
نغطيها ونسيبها تخمر بعد كده نقطعها كور انا عملت الكوره ٨٠ جرام ونغطيها ترتاح ١٠ دقائق
بعد كده نشكلها زي الصوره ونضعها في الصينية ونغطيها ونتركها تخمر تاني بعد كده ما تنسوش السر اللي قولتلكم عليه رشة مياه من بعيد في بخاخة ونحط السمسم
تدخل فرن سخن درجة ٢٠٠ لما تحمر من تحت نشغل الشواية دقيقتين

قد يعجبك ايضآ