حكاية سطر
بداية السطر فاصل شوق
و مية تنهيده ف الثانيه
وشمعه وكاس يبان ف الضوء
نجوم وسنين وناس تانيه
ونقطه ونقطه بين كلمة :
قصايد شعر شيء فاخر
كلام معسول من الآخر
وزي ما الكتاب بيقول
ف وسط السطر بان فصله؛
نتيجة ناس ما تتعاشر
وسهم الأصل ف البوصلة
بخط خفيف ومش ظاهر
في آخر السطر نقطة خوف
وحد ما صان لملح رغيف
في آخر السطر شايفك طيف
بجرة شوق وكام ضمه
وفصلة ناس تعيش للناس
تبان والله في الضلمه
ويخلص سطرك الملضوم
بدمعه وضحكة ونهايه
ونقطه و قصة تاني تكون
بألف بدايه ………وحكاية