جبال صمتك .. للشاعر أحمد النجار

جبال صمتك

أحمد إبراهيم النجار
بلملم كل اشلائي
وبسجن كل أشواقي
وببعد عن هوا جرحك
وبكتم فيا احزاني
خلاص ملّيت هوا حبك
برود طقسك
خريف شوقك
سقوط ورقك
وضاعت فيكِ أحلامي
بعيش جرحك
غروب شمسك
جبال صمتك
وزايد فيا بركاني
تقرب ليكِ أشواقي
بلاقي عنيكِ تنساني
برود إحساس كاسي جزعك
بقرّب ليكِ منعاني
وآه منك ومن حبك
جليد قلبك
بيرعش فيا وجداني
فى ليل دامس وريح عاتي
وأنا الحابي ولا داري
لفين أرحل
وعينك كل أوطاني
بعيش يومك بلهفه وشوق
برغم غروب
لأنك انتِ عنواني
المزيد من المشاركات

بحبها

تأملات

بعيشك يومي المكتوب
على جبيني وف سنيني
ما بين دربك سكن قلبي
بكمل فيكِ مشواري
برغم البعد والمسافات
والمساحات والأشواق
برغم التوها والأشواك
بينبض قلبي بالدقات
يقول لهواكِ أنا هاوي
برغم برود هوا طقسك
شقوق صخرك
وطول صمتك
خفاف فجرك
بعيشك كل أيامي
بعيشك حلم مش مكتوب
ولا واقع على الواقع
مجرد حلم
ف حروفي وأشعاري
بيسري فى الوريد حبك
بيسكن جوه فى كياني
لأنا قادر على بعدك
ولا طايق فى طول صمتك
أقول ولا حتى سمعاني
واناديكِ ما بتردي وبتعندي
وبأيدكِ دبل وردي
بأسلوبك جفاف شوقك
ولا بيا ولا تحسي بأشواقي
وليه طبعك معايا عجاف
وليه بتخاف عينيكِ تعود
وليه مردود هوا بابك
وأمتى عينيكِ يوم هتعود
يعود حضنك يا أوطاني
أحمد إبراهيم النجار
قد يعجبك ايضآ