انقذونااااا
انقذونااااا
بقلم / ا. حنان الابياري
كفايه مسلسلات دراما دمويه ✋🏻
كفايه اكشن وحوارات وسحب تفكير لمناطق ضلمه جوا النفس البشريه المعتمه
رجعولنا عصفور النار و عائلة شلش وفي المشمش و الرايا البيضه ، ونيس واولاد ونيس ، لن اعيش في جلباب ابي وكل من علي شاكلتهم
رجعولنا كل الاعمال اللي بتقول ان الخير مسيره ينتصر علي الشر مهما طال وكانت قوته
رجعولنا افلام التضحيه والحب العذري والافلطوني وعلموهم ازاي تحافظ علي بنت الجيران وتدفع حياتك تمن نخوتك وشهامتك
هاتولنا قصص قديمه من الأوادم اللي لسه عايشين عشان يحكو ازاي كانت كل طبخه بتتفرق بالاطباق علي العماره كلها
وماحدش زمان عمره اشتكي بالحوجه والعوز وكان بينام متعشي وعارف ان بكره لو ضاق عليه الحال باب جيرانه مفتوح وبيساعد وستر وغطا علي بعض
رجعولنا القيم والاصول
عاوزين الشباب يرجعو يشوفو ان الثقافه والكتاب اهم من الموبايل .
والحسنه بعشرة امثالها واللي بيعمل الخير بيلاقي الدنيا بتسنده وهو الرابح في الاخر
كفايه دم ، كفاااااااايه غدر ، كفايه بلطجه محشيه في بسكوته حلوه ومكتوب عليها الجدعنه . دي مش جدعنه انت بتتخدع ومضحوك عليك عشان تفتك بمجتمعك وانا معاك تبريرك
و راضي ومنيم ضميرك ومرتاح
رجعوهم يسمعو مزيكا نضيفه وترددات شفائيه في الرتم المظبوط الهادي وعلي ايقاع بيشتغل علي تطبيب النفس والروح ساعدوهم علي التشافي من امراض الازمنه النفس البشريه معقده بالفطره وعاوزه سياسه عشان تندمج مع ذاتها بدل ماتسحبنا للسقوط في الهاويه
شغلو مزيكا هاديه بترددات الكون المسبح للواحد الاحد
في كل المراكز العامه والمستشفيات والمصالح الحكوميه عشان تحد من العصبيه والتوتر وتعمل هدوء نفس واللاوعي يستقبل طاقة المحبه والتسامح والتضحيه ويطرد الشيطان وسلبيته من جوفنا
رجعو الذكر الحكيم للقنوات كلها ٧ صباحا عشان نرجع نسمع الايات بأصوات العلماء
شعيشع ، الطبلاوي ، الحصري ، رفعت ، عبد الباسط عبد الصمد وغيرهم من الاسوياء
رجعولنا حديث الروح وعالم البحار وعيدو حلقات مصطفي محمود علي كل القنوات عشان الشباب تفهم قدرة ربنا ويفهمو انها مهما ضاقت بتفرج برحمته
رجعولنا انفسنا بفطرتها الطيبه وحسن الظن في بعض
اعملو توعيه تاااااني وفكرونا كل دقيقه ان الرجال قوامون بما فضل الله بعضهم علي بعض . وان القوارير مخلوقه من ضلوعهم . يعني مولوده من جنب قلبك مش دخيله علي جنسك ولا احنا اعداء لبعض
اشرحو وفهمو وعلمو كل الدنيا معني كلمة الانسانيه في ان كل دم يسفك حراااااام
اعملوا سهرات ليليه للراقين والمتنورين بالعلم الوسطي والمثقفين بالدين القويم والطبيعه السويه . محبي الحياه
من صفوة المجتمع يكلمونا في فن التعامل عشان نرجع نتكلم صح ونلبس صح ونقعد ونمشي ونتكلم بأدب صح ونرجع نفهم ان فيه حاجه اسمها اللي اكبر منك بيوم يعرف عنك بسنه والكبير نكلمه واحنا علي استحياء ونحن ونعطف علي الصغير
رجعولنا انسانيتنا اللي سرقتها مننا الدنيا والمستفيدين من جهلنا واحنا في غفله عشان يعملو ثروات من ورا افكارهم المسمومه وبثها في اللاوعي عندنا
وكفاااايه..
كفايه تعودو عنينا علي مشاهد القتل والدبح والدم
كفايه تستغلو عقول الشباب وتبثو جواهم اليأس والاحباط وان حقك تاخده بدراعك ولو بنيتك ضعيفه او صحتك مش جيباك هاتموت وتنداس . لازم تبقي قوي عشان تعيش
ده قانون الغابه واحنا بشر مش حيوانات .
مع كامل اعتزاري للحيوانات اللي برحمتها وحسن تصرفها اصبحنا بنعتزرلها
الي من يهمه امر البشر و البشريه .
📢ارجوك ساندنا نرجع ( انسااااااان )
ارجوك ساعد في ازالة فكرة اننا جميعا اولاد القاتل واننا لابد ان نتوارث من ابناء ادم والي ان يرث الله الارض ومن عليها
ساعدنا نذكر بعضنا بعض ان الخير فينا الي يوم الدين كما قال مشرع الامه ابا الزهراء ( صل الله عليه وسلم )
اليس محمدنا ايضآ من ابناء قابيل 😔
📢 انقذوناااااااااا