أصدقاء للأبد

الشاعرة: مروه محمد

أنا ليا صاحبه بحبها وكل يوم بشتاق لها
صاحبه دراسه ومدرسه بنوته حلوه كويسه
الأسم علي أسمي تمام چنونه نبع من الحنان
بعشقها حد الامتنان وبحبها
أنا ليا صاحبه بحبها وكل يوم بشتاق لها
إحساسي بيها كأنها اختي
وحبيبتي وصاحبتي
وبرغم كل المعرفه
بكتير بنات من سنها
أنا بردو قلبي ارتاح لها
في حاجات مابينا بتشترك
من ضمنها روحها الجميله وشكلها
كل البنات عاملين جروب في المدرسه
وأنا هي بس اختارتها وبقينا مجموعة
جني ولحالنا كنا مؤسسه
بصداقه تجمع قلبنا
كل المعاني تضمنا
ويارب تفضل 100سنه
ويديم عليا ودها
أنا ليا صاحبه بحبها
جمعت في الأبيات لها
كل المشاعر والمُني وحكيت أنا
والست أمي الشاعره
كتبتها وسط الملزمه
قولتلها تصنع ملحمه
وتنظم الأبيات قوي
وتجمع الاحساس هنا
وتقول لنا ازاي نحس ببعضنا
ازاي نشاور ع الاماني الممكنة
ونكمل المشوار بفرحه
ونسيب اثر مطبوع في كل الامكنه
ونعيش نحافظ ع الصداقه
أخوات ورفقه وذكريات تربطنا بعد ال100سنه
ولا حاجه تقدر مره يوم تعرف تفرق شملنا
إنتي وأنا ده حبيبتي كانت في البنات أجمل جني
…….
المزيد من المشاركات

بحبها

تأملات

قد يعجبك ايضآ