طريقة عمل الكشرى المصري مقدمه من شيف عبير سيد
مده التحضير: 30دقيقه
مده الطهى: 30دقيقه
لسلق المكرونه
ربع كيلو مكرونه مرمريه أو أى نوع
ربع مكرونه اسبجتى
نجيب حله ونملى نصفها ميه ومعلقه صغيره ملح وأول ما تغلى ننزل بالمكرونه ونقلبها لحد ما تستوى وبعد كده نصفيها ونغسلها كويس
طريقه الصلصله
كوب عصير طماطم
2معلقه كبيره صلصه
2معلقه كبيره خل أبيض
4معالق كبيره زيت
نصف معلقه صغير ثوم مفروم
نصف معلقه صغيره شطه اختيارى
ربع معلقه صغيره فلفل أسود
ملح
نجيب حله ونحطها على النار وننزل بالزيت والثوم المفروم وأول ما الثوم يوصل للون الذهبى ننزل بالخل وعصير الطماطم والصلصه والملح والفلفل الاسود والشطه ونسبهم على نار هاديه لحد ما تتسبك وتستوى
لسلق العدس
كوب صغير عدس بجبه
نغسل العدس كويس جدا وبعد كده نجيب حله صغيره ونملى نصفها ميه ونحطها على النار وننزل بالعدس ونسلقه نصف سلقه وبعد كده نصفيه ونسيب الميه اللى صفينها من العدس على جنب علشان هنسقى بيها الارز
تابع ايضاطريقة عمل حواوشى اسكندرانى
لسلق حمص الشام
كوب صغير حمص الشام
نسلقه فى شويه ميه وأول ما بستوى نصفيه من الميه
طريقه الارز
كوب صغير أرز
نصف كوب صغير شعريه
كوب العدس اللى سلقناه
نصف كميه حمص الشام اللى سلقناه
5معالق كبيره زيت
شوربه ماجى
نصف معلقه صغيره بهارات السيعه
ربع معلقه صغيره قرفه وفلفل أسود
نجيب حله ونحطها على النار وننزل بالزيت وبعد كده ننزل بالشعريه وأول ما الشعريه توصل للون الذهبى نضيف الارز والعدس وحمص الشام والماجى والقرفه والفلفل الاسود والبهارات والملح ونقلبهم مع بعض وبعد كده ننزل بميه العدس أو زودى بميه عاديه لو مش عايزه ميه العدس ونسيبه على نار هاديه لحد ما يستوى
لعمل الدقه
نصف كوب ماء
3معالق كبيره خل أبيض
2معلقه كبيره عصير ليمون
نصف معلقه صغيره ثوم مفروم
نصف معلقه صغيره شطه اختيارى
ملح
نجيب طبق ونضيف الثوم والشطه وننزل بالميه والخل وعصير الليمون والملح ونقلبهم مع بعض
طريقه تحمير البصل
3بصلات كبار نقطعهم شرايح رفيعه ونرش عليهم شويه دقيق ورشه ملح صغيره علشان الدقيق بيخلى البصل يقرمش وبعد كده نجيب طاسه وننزل بشويه زيت واول ما الزيت يسخن ننزل بالبصل شويه بشويه ونخليه على نار متوسطه لحد ما لونه يوصل للون الذهبى وبعد كده نطلعه على ورق مطبخ أو منديل
رئيس قسم المطبخ أ سمسمه سعد
التعليقات مغلقة.