ومجروحه …. بقلم / رشا كمال

ارهاصات رشا كمال

51

ومجروحه

بقلم / رشا كمال

ومجروحة..وحاسة كرامتى مدبوحة
وتعبانة..وروحى منى زهقانة
فراقه ليا مش بالسهل، فراقه ليا ده إهانة
وبسأل نفسى ليه باع أللى كان بينا وزاد ف عناد
وليه فجأةعن بعض بقينا بعاد
وليه خلى ما بينا بلاد؟
وليه يحلاله أنا وقلبى نبات ف سهاد
ده حبه كان لقلبى الزاد
سنينى ف بعده مش سهلة، سنين صعبة عجاف وشداد
وحبه لسه جوايا، وقلبى يوماتى عامله حداد
لكن أسفة يا قلبى ليك، مش هرجعله لو يوم عاد
كرامتى أصلى مش بايعاها ليك ف مزاد
فمتحلمش يوم هضعف وهرجعله لو مهما أنينك زاد
✍ارهاصات
رشا كمال

التعليقات مغلقة.