مستني أيه؟ بقلم غرام نعيم

48

مستني أيه

ياللي أنت غرقان في الذنوب
مستني أيه لاجل تتوب
آن الأوان والحق يادوب
ده العمر قصير فيه مش متخير
ومفيش معيار صغار ولا كبار
لا مريض وصحيح ، صعلوك وأمير
غني ولا فقير مالهاش تفسير
ده الموت بيزور حتى العصافير
ظهرت حوالينا وفي كل مكان
علامات للساعة ومش عاوزة بيان
الموت بقى فجأة وكتير لشباب
والقتل وزاد من غير أسباب
وعيال بحرام بقت تنجاب
وغلاء أسعار جشع التجار
أوبئة أمراض هتك لأعراض
الظلم وساد والكذب وزاد
الثلج وداب وآيات لعذاب
حالة توهان لأفكار وجنان
حتى الأديان بقى ليه وعشان
إخوان وبعاد وعقوق والدين
جور السلطان فوضى وحرمان
كثرت الأحزان وزاد الهزيان
غش وتدليس وولاد ابليس
فتحوا المحابيس واتحدوا علينا
يخلقوا ثورات ، يعملوا نزاعات
يقتلوا آلافات ،ماهو دم رخيص
ولا حد اهتم ولاحد حريص
يوقف الدم ولا فيه تخليص
تطبيع مسموح وتخطي حدود
تقسيم لأراضي محتلة عهود
تسليم إذعان لعدو لدود
وياخوفي ليوم نصحى من النوم
تلقى العلامات وسط المتاهات
يتقفل الباب وتدق أجراس
خلصنا خلاص الامتحانات

غرام

التعليقات مغلقة.