غرام نعيم تكتب : مر العام

بقلم : غرام نعيم

176

مر العام

بقلم : غرام نعيم 

مر العام
مر العام كما غيره مر
مر حلوه ومره مر
بس الأمر إنه الأمر
فيه فقدنا ناس كثير عزاز
وكشفنا برضه ناس من إزاز
وشوفنا برد وشوفنا حر
وبرضه فقر وقهر مر
عشنا آلام سنين طويلة
في كل صبح وكل ليلة
أخبار حزينة وجعت
قلوب الناس في كل مدينة
انفجارات أوبئة أمراض
هزات أرضية حرايق في غابات
خطف قتل هتك لأعراض
أشياء مخفية وحقايق
دايما مفيهاش علانية
في كل يوم أعداد زيادة في الوفيات
والحزن غطى كل الشوارع كل الحارات
واختفت من الوشوش السعادة والابتسامات
كل شيء في لحظة كان كأنه ما كان
والسكون فجأة بقى مالي المكان
الكل عاش خايف قلقان في حيرة
والحياة بدأت تكون كده مستحيلة
وبرغم كل المصاعب والمتاعب
والأحداث الأليمة
كان أكيد برضه فيه أوقات جميلة
فرحة ميلاد جديد في عيلة
نجاح معاه أحلام جميلة
بداية حياه لاتنين في ليلة
سعادة بشفاء أي مريض
كل حاجة في القلوب زرعت سعادة
كل فجر جديد يطلع علينا واحنا بسلامة
ومهما زادت المصاعب والقيود
لسه الأمل موجود في ربنا المعبود
ييجي تاني يوم موعود
جايب معاه الفرح جايب معاه ورود
فيارب يا معبود ارفع عن الوجود
كل وباء موجود ، واجعلنا ليك نعود
غرام

التعليقات مغلقة.