غرام نعيم تكتب … صباح الخير

بقلم : غرام نعيم

154

صباح الخير

بقلم : غرام نعيم

صباح الخير
صباح الخير يا أصحابي يا أحبابي
صباح الفرح حواليكم
ونظرة حب في عينيكم
وشمسي منورة بيكم
صباح الخير
صباح البهجة والأفراح
وقلب سليم يعيش مرتاح
وناس حوالينا بس ملاح
صباح الخير
صباح تغيب فيه الأحزان
يبقى مفيهش أي مكان
لدمعة قهر أو حرمان
ونرجع تاني زي زمان
دفء القرب وعيشة أمان
صباح الخير
صباح القرب من المولى
وستر وصحة مع قوة
وفيه الجاي يكون أحلى
وأملنا في ربنا يقوى
يسخر لينا مافي الكون
وكل الصعب تاني يهون
ويهل علينا عام جديد
كله سلام كله وئام
ويبقى الكل تاني سعيد
غرام

التعليقات مغلقة.