اهلا ب جو …. للشاعر / محمد زيدان

شعر حر لمحمد زيدان

111

اهلا ب جو

الشاعر / محمد زيدان

اهلا ب جو

شوف سعادتك تحب تبدا الجيم منين

فجميعهم على استعداد ومنتظرين

 على امل انهم داخلين على عهد جديد

وان سياستك مختلفه عن الاخرين

موهومين

اهلا بيك ياجو

تحب تبدا منين

تبدأ بخلافات الاتحاد مع الاتراك

ولا بعقوبات الصين وايران

ولا ملف الروس فى اراضى الشام

دا غير كام دوله … على وجه السرعه .. مطلوب ضمها

لاتفاقيه ابراهام

وفى كمان

صراعات وحروب مذهبيه

عصيه على ان حد يحلها

او بمعنى اصح محدش عنده الرغبه

مع ان كلهم عارفين الحل فين

صراعات مابين الشيعه وما بين السنه

وفتنه بتجر فتنه … ودوله ووراها التانيه

وشعوب ضايعه مابين الاتنين

ومابين الاتنين

حضارات استمرت لسنين

شاهده على عصور … وشاهده على تاريخ …

 اصبحت الان …عباره عن اطلال

اطلال فى الشام وبلاد الفرات

وسبأ ضحيه اسواء سياسات

باختصار تقدرتقول

وطن بالكامل اتعرضت لعمليه … نصف اغتيال

ومازال

مستمرالصراع وسيظل

طول ما هو العامل الرئيسى لبقاء للكيان

ولو هتقدم تسويه زى ما بتدعى

تبقى كداب وانت اللى خسران

لان وجودك من وجود الكيان

ووجود الكيان من استمرار الصراع

كلها خيوط وبعض مربوطين

وغصب عنك او بمزاجك بارادتك وبالاكراه

هتتغاطى عن كل جرايمه

عن مساوماته لحكومات بيروت

واستفزازه لحكومات طهران

وعشان

الصراعات دى من الاول كانت

اكبر خدمه وافضل مساعده

اتقدمت على هيئه سياسات من فضه

تساعده

 فى القضاء على قضيه واحده

قضيه لسه ماانش اوان  الفصل النهائى فيها

غير لما يظهرمنافس للبلاد اللى انت متوليها

وعشان كده

هتفضل تتعاد … نفس السياسات … السخيفه الممله

سياسات هدفها الرئيسى

هوالقضاء على دوله

 يقال ان اسمها فلسطين

باختصار سعادتك

زيك زى اللى قبلك

 وزى اللى  جاى من بعدك

كل هدفك

اسرائيل تكون واحه الامن والامان

مش مسموح فيها بطفل يبات جعان

اوبنت يداسلها على طرف من اى حد

من اى مخلوق ايا كان

مفيهاش شاب يخش معركه مع الحياه

ويخرج منها مديون او خسران

واهو برضو ضمان

 تضمن ولائهم الكامل وانصياعهم المطلق

وتفضل مصالح بلادك ف امان

بس التاريخ بيؤكد …ان ده وضع مؤقت

 وضع استثنائى ..  مهما استمرلاعوام

والدليل على هذا الكلام

بريطانيا وال عثمان

كانو فى يوم رمزالسيطره

والسيطرة كانت ليهم صفه وعنوان

والسيطرة دول …بتتداولها الدول

فاعلى ذلك …كن على يقين

دا غير كمان

 ان العالم بقى غير العالم

عالم فيه الكل للكل مستنى غلطه

عالم لمسارالحروب متوجه وقادم

وساعته الذريه متوقفه على تكه

يادوب قرار سياسى خاطىء

هيدفعنا التمن اجمعين

اهلا بك ياجو

نورت عالمنا … عالم المجانين

التعليقات مغلقة.