شاهد بالفيديو “رساله إلى نفسي”

“رساله إلى نفسي” 

بقلم الشاعره/ ولاء محمد عبد العزيز 

إطمنى أنا هفضل آخد بالى منِّى
مش بس علشان بحبك لكن لأنِّى
جيت عليكى وقلتلك كان غصب عنِّى

علشان وقفت مكانى وفضلت مستنِّى
عتابك من عيونك بان سامحينى إكمنِّى
حبست جواهم دموع وخليتك تئنّى

حاسك مليانة خوف وشكلك شايلة منِّى
وأنا لو تخاصمينى كونى يخاصمنى

وهموكى إنى بحاربك
ده أنا بجاهد بيكى وعشانك
ده أنا لوتنادى فى لحظة
تلاقينى أدامك

إطمنى أنا عندى ليكى كتير
أنا مش مجرد عاشق عليكى بغير
أنا ليكى كنور الضى فى عنيكى
أنا أولى من أى واحد بيكى

بعاهدك أعيش العمر أزكيكى
وأحميكى.. وفرح الدنيا أوريكى
ومن كل اللِّى بتخافى.. هخبيكى

المزيد من المشاركات

بس إنتى بالله عليكى.. إطمنى
وطمنينى عليكى
انا مش هخلى غير دموع
الفرح فى عنيكى

ولا هسمح لإنسان يبكيكى
وكفاية اللى وريتك زمان ولسة بوريكى

أنا بعترف للكون قابلك بكل مافيكى
لا هستخبى ولا هخجل وأخبيكى

وعلشانك هسامح كل اللى خانِّى
هخليكى معايا تنولى ما تتمنِّى

وهفرشلك ورود ورجليكى هحنِّى
وهتشوفى الحياة مبسوطة بتغنِّى
بس إنتى على إستنى ..

طب تسمحيلى أمسك إيدي فى إيديكى
ودعى خوفك وأنا جنبك هقويكى
وإضحكى تضحك لك الدنيا حواليكى
وأمانة عليكى إطمنى ..وطمنينى عليكى.

بقلم الشاعره/ ولاء محمد عبد العزيز 

قد يعجبك ايضآ