شئ سخيف للشاعر احمد النجار

شئ سخيف 

الشاعر أحمد إبراهيم النجار

لما يُسكن ليل مخيف
لما تتنمّر ضباع ع الضعيف
لما ترقص ع اللى مات
شئ سخيف
لما يصرخ السكات
لما يبعد حلم كان من زمان
ع الرصيف
شئ سخيف
لما تتشرد بلاد
لما تتشتت ولاد
شئ سخيف
لما يصرخ شيخ جعان
محتاج فتات من رغيف
شئ سخيف
لما يبكي الوليد بالدموع
لما يبقى ف جوع شديد
ونهد اُمه بإيه يفيد
والحليب أصبح جفاف
شئ سخيف
لما يبقى الجوع فناء
لما يسكن الغباء
و القلوب لونها حالك بالسواد
شئ سخيف
لما نبقى ف غابه عايشه
الناس وماشيه
بين حواري الجبّانات
واللى مات
حلم مصلوب بالأهاااااات
بين عقارب الثواني
والدقيق و الساعات
بين ليالي
فيها أشباح الغيلان
فى البارات
اللى شارب خمر
مصبوب ف الكاسات
واللى ضاحك ع الألم
واللى راسم
الجراح نازفه
بحر ع الجسد
واللى كاتب بالقلم
بالنفاق والرياء
المزيد من المشاركات
شئ سخيف
لما تصبح العقارب ف الساعات
مالهاش وجود
لما يرجع الزمن
ألف ألف ألف عام
قبل الميلاد
شئ سخيف
لما تتبدل أراضي من خضار
للبَوار والحصاد
أرواح بريئه بدون تمن
إللى باعد عن حدود
واللى متغرب بموت
واللى تايه فى الدروب
واللى دمعهُ بحر نازل
ع الخدود
واللى مسجون جوه صوت
مالهوش صدى
واللى حابي بالقيود
واللى مش لاقى الفتات
من بقايه من حبوب
واللى محتاج الوقود
شئ سخيف
لما نسكن فى الحياه
عايشين بنتنفس بموت
شئ سخيف
لما تكتر المجازر والحروب
شئ سخيف
لما تتحجر مشاعر ف القلوب
شئ سخيف
لما يبقى الحق عيب
لما تبقى الكدبه شئ
شئ مؤكد
فى قاموس الدجالين
شئ سخيف
قد يعجبك ايضآ