حلا شيحة ترد على قرار نقابة المهن التمثيلية

حلا شيحة ترد على قرار نقابة المهن التمثيلية

 

 

 

كتبت:شروق ممدوح

 

بعد أزمتها مع الفنان تامر حسني، و قرار شطبها من نقابة المهن التمثيلية تحت رئاسة نقيب المهن التمثيلية دكتور أشرف ذكي، حلا شيحة تحسم الجدل 

 

 

 

 

 نشرت الفنانة حلا شيحة عبر حسابها الشخصي على موقع تبادل الصور والفيديوهات الشهير “إنستجرام”، صورة لها تجمعها بابنتها.

 

 

 

معلقة عليها قائلة: “حابة أشكر كل الناس الجميلة على رسائلهم الجميلة المشجعة، وحابة أشكر كل الصحافة التي نشرت فتوى دار الافتاء النهارده اللي موقفي هو نفس موقفها اللي بيوضح إن التمثيل و الفن عموما زي أي مهنة في الدنيا حلاله حلال وحرامه حرام، وأنا لا أحب أن أكون جزء من أي نوع من التطرف سواء باسم الدين أو باسم الفن”.

 

 

 

مضيفة: “ولو نقابة المهن التمثيلية ترفض موقف دار الافتاء الواضح فهنيئا لي يشطبها لعضويتي حبي للفن محدش يقدر ينكره ولا يزايد عليه، انا ماتكلمتش غير عن نفسي وبقدر كل زمايلي، الزميل الوحيد اللي ذكرته هو اللي الموضوع اصلا متعلق بيه، وعتابي ليه لحسن ظني بيه، والعتاب في الملا عشان الكليب في الملأ”.

 

 

 

متابعة حديثها قائلة: “وبالنسبة للكلام غير اللائق عن الأجر، كل اللي في المجال شاهدين اني كنت اعتذر عن عدد كبير من الأعمال الفنية وكنت بقبل اجور اقل مما يتناسب معي تعاونا مع صناع العمل، واصلا ما استلمتش الجزء الأخير من أجري في الفيلم لما أتأخر نزوله جدا و بدأت اتغير وأصلح، لأن بصراحة الكلام عن أجر کبیر ضحكني”.

 

 

 

مضيفة: “أنا فنانة بطبعي ومن صغري وكل اللي يعرفوني عارفين حايا للفن .. ودايما هعبر عن نفسي بمواهبي الفنية لما أحب لكن الجديد اني مش هاعمل كده على حساب اللي أنا مؤمنه بيه بجد جوايا زي ما قولت مؤخرا، أنا لا أهاجم أحد ولا أحارب احد و لا انا افضل من احد ولا انصح احد قبل ما انصح نفسي اولا و كلنا نخطئ مفيش حد معصوم من الخطأ، وبتمني الخير دائمة لكل الناس بما فيهم كل زمايلي و صناع العمل”.

 

 

 

 

 

تابعت: “مفيش اجمل من أننا نعيش ونستمتع بحياتنا ونفرح ونتبسط ونبسط ولادنا ونفرحهم ونفرح معاهم ونربيهم على قيم وأخلاق مبقتش موجودة في ايامنا دي ونربيهم ونتربي معاهم ونغلط ونصلح وهنفضل نغلط ونصلح ولازم نغلط بس جميل اننا نعترف بغلطنا ونصلحه ونتعلم منه وهنفضل نتعلم لحد ما نموت”.

 

 

 

 

 

بالإضافة إلى: “نعيش مع كلام ربنا الجميل وتفرح بمنهجه ونحب الحق والعدل والخير والجمال والإبداع الرباني الجميل، جميل اننا نعمل كل ده وفق منهج مفيش اجمل منه ولا اعمل منه ولا أعظم منه في الكون كله”.

قد يعجبك ايضآ