حبيت غيري أكيد

الشاعر: علي السيد حزين

مات الكلام , وانتهت الحكاية

وما عاد بينا كلام غير الندم

ومشهد النهاية ,

يعني الكلام الـ كان بيني وبينك

يعني الحب الـ كان بينا زمان

والعطف , والحنان ,

كله ضاع , كله هان , على ايديك ,

كل شيء انتهى , وانتهت الحكاية

*

هان الحب الـ كان بيني وبينك

يعني من النهارده طريقي غير طريقك

أصبح ما بيني وبينك

مليون حاجز وسور

يحجزوا بينا النور

ويحُوْل ما بين قلبي وبينك

ويحُوْل ما بيني وبين حبك

*

يعني من النهارده , أنا مش حبيبك

ولا صديقك , ولا قدرك , ولا نصيبك ,

المزيد من المشاركات

أنت الـ اخترت طريقك ,

وأنت الـ خترت حبيبك

سكتك ما عادتـ ـش سكتي

ما أنت الـ بعت , وأنت الـ خنت

وأنت الـ ضيعت فرصتك بإيديك

واخترت تبدأ مع غيري من جديد

حبيت غيري أكيد ,

ما الحب أصبح لعبتك

*

مات الكلام , وانتهت الحكاية

وما عاد بينا كلام غير الندم

ومشهد النهاية ,

وضاع القلب الـ حبك

وأصبح مليان جراح

وعلى إيديك كانت النهاية

كل شيء ضاع , وراح , وانتهى

وأنت السبب في النهاية

ما الحب أصبح لعبتك

….

قد يعجبك ايضآ