تشيل الحزن من عيني و من قلبي
و لو كان الحزين هي ف تلجأ لي
و تمسك إيدي و تضُّم الوجع فيا
يزيد القرب من روحي ف تشتاق لي
يا ريت كل اللي شاف الحب من قبلي
يشِّد ف حبل محبوبه يزيد حُبُّه
مفيش في الدنيا دي ضامن عشان نِحزن
تدوم الفرحة من روحه و من قلبُّه
و هي الفرحة و الضحكة
و هي ف قلبي زي ( مكة )
و هي الدنيا و العمر اللي باقيلي
المزيد من المشاركات
دي شافت م الوجع كشاكيل
دفاتر حزن روحها تشيل
لكن و يايا بتعافر و بتجيلي
تشيلني ف عينها ف بترمِش
سهام الجِفن دي ب تفرش
حنان و حنين بيبقوا سنين
و حضن إديها من وجعي بتحميني
يا ريتها الليلة و يايا تكون جنبي
تدوق من عيني ضلاية حنان حبي
يا ورد النيل يا روح بتميل
على خدودها بلاقي حياتي و سنيني
….