بالفيديو “إن كان حبيبك بحر ابني له جسر”

"فكر ب❤️ك"

“إن كان حبيبك بحر ابني له جسر”

للشاعره/ولاء محمد عبد العزيز 

يجوز بينك وبينى فروق
بس الأكيد..
فى القلب ليك مطرح

ورغم الإختلاف أوقات
نفس الملامح لما نفرح

حكايات بتجمعنا وساعات بتوجعنا
ولو يتقفل بابى .. بابك بيفتح

وقت الألم ألقاك سند
وأحس السعادة لما تفرح

الأصل فى العلاقات محبة
وشوق يبان ما يستخبى

وعشره مهما تكبر لسة شابه
كل واحد فينا يشيلها حبه

ويوم ما تزعل من طباعه
جواك أكيد من طبعه ملمح

المزيد من المشاركات

أصل صورتك فى المرايه
غيَّر ما فيك الصورة توضح

وبلاش تعيش دور العناد
سهِّل رجوعك تستريح

لا مذلة فى اللِين ولا إستعباد
ده ذكاء علشان مركبنا تسرح

وإن شفت موقف يستفزك
خليك جبل ولا شئ يهزك

وعز نفسك أولاً تلاقيها تعزَّك
وإن كان حبيبك بحر
إبني له جسر ..

ستر العيوب بين الحبايب أَسْر
الدنيا دى أخد وعطا مافيهاش خلاف

لكن مهم تشوف عيوبك قبل ما تتشاف
قرر التغيير وعادى تختلف فبلاش تخاف

رفضك ده حمل تقيل على الأكتاف
أما اللِّى صفَّى قلبه شاف
وداق حلاوة الإختلاف.

الشاعره/ولاء محمد عبد العزيز

قد يعجبك ايضآ