وإيه يعني بقلم الشاعرة// إنتصار حسين

52

وإيه يعني
لما صاحبي يوجعني
زمانا الطيبة …بقت عيبة
وكل من هب يخدعني
وإيه يعني …
لما اللي اشتريته
بأغلى سعر
ييجي النهاردة
و بيبعني…
وإيه يعني….
منيش …زعلان
ولا يائسان
ولا حابب اكون
في الدنيا… غير إنسان
ولاتاني راح افتح
جوة قلبي… باب أحزان
ولا راح احكي واقول
ولا هافضل كدة على طول
أعد لعمري …كااام خِذلان
لأ… خلاص …..منيش زعلان

وإيه يعني…
ما طول العمر
بلاقي اللي بيبعني
حصل ايه ..ولا حاجة

ملام… وبعدُه
غدر …..بزيادة
بعاد …وصبري صاحبني
وبقى….. عادة
قلوب …غدارة…نساية
عيون… تكدب بدمعاية
وحكاوي وقصص
وحياتنا…. .سِيلاية ..
واخر المتمة..
صحبي
هو اللي …..يخدعني
بإديه سكينة… مخفية
وعنيه في الراحة والجاية
مركز نظرته علية
ومستني لحظة
يوم ما يوجعني
وإيه يعني…
ما خدت خلاص… على القسوة
وراحت م الناس… كتير نخوة
ولو هنعِد كام مرة
ده فرَّحني..
وده بسكينه جَرَّحني
ما يكفي العمر …
وخلينا نعوم في الصبر
وإيه يعني…
ما انا اللي الصبر صبَّرني
وانا اللي الغدر بعتَّرني
وانا اللي الحب خلاني
أقول الآه في دنيا الصمت
وانا اللي وحدي… دايما عيشت
وإيه يعني…
ماسك قلمي كأنه سلاح
بدافع بيه عن الأفراح
برد الضربة بحروفي
وقول كلمة تزيح خوفي
وتيجي الفكرة تلهمني
أقول واحكي
بكل اللي يإلمني

وإيه يعني …
لويوم صحبي يوجعني
ياخوفي ف يوم
آلاقي كمان… قلمي
بيدوس .. على ألمي
ويغدر بية… ويبيعني
ساعتها ما هاعرف اتكلم
وباقي العمر هتألم
ولا صبري هينفعني …
ولا راح اقول ……وإيه يعني……
……
وإيه يعني
بقلم الشاعرة// انتصار حسين

التعليقات مغلقة.