أحمد شاهين لجريدة اليوم الدولي: نادر تركيبة مفتقدينها في حياتنا.. وتحققت أمنيتى بالعمل مع يسرا

أحمد شاهين لجريدة اليوم الدولي: نادر تركيبة مفتقدينها في حياتنا.. وتحققت أمنيتى بالعمل مع يسرا

أحمد شاهين لجريدة اليوم الدولي: نادر تركيبة مفتقدينها في حياتنا.. وتحققت أمنيتى بالعمل مع يسرا

حوار/ شيماء يحيي

أحمد شاهين فنان له كاريزما خاصة قد إستطاع بموهبته وحضوره المميز أن يجذب انتباه الجمهور إليه، قدم العديد من الأدوار المهمة والمميزة التى أشاد بيه كبار النجوم.

وشارك فى العديد من الأعمال الفنية المميزة ومنها: فلانتينو، جمال الحريم، نحب تانى ليه، ب100 وش، وظهر كضيف شرف في مسلسل نجيب زاهى زركش ، إلا أنا حكاية تقلها دهب”

وقد أستطاع هذا العام فى موسم رمضان 2022 جذب الكثير إليه من خلال ظهوره في مسلسل “أحلام سعيدة” وكانت ردود الأفعال على دوره قوية جداً.

كلمنا عن بداية مشوارك فى الفن ؟ 

أنا مشوارى الفنى أخد منى وقت، وده لأنى من وأنا صغير بدأت فى المسرح المدرسي ومسرح الثانوي والجامعة 

وبعد كدة أتخرجت من كلية تجارة جامعة القاهرة، وانشغلت فى الحياة المهنية 

وبدأت تانى من 2015 بالحملات الدعائية “بيبسي، شيبسي، فودافون، أورانج، we, فزيتا” والحمدلله نجحت بشكل كبير.

ومن كرم ربنا عليا أشتغلت فى الإعلانات مع مخرجين كبار “أستاذ شريف عرفة، أستاذ مروان حامد، أستاذ رامي أمام، استاذ أحمد جلال”.

وفتحو ليا باب فى أعمال كتير للدراما، اللى كانت بدايتي فيها بحجات صغيرة لحد الحمد لله وصلت ل”أحلام سعيدة”.

وكانت بدايتي بمسلسل حودايت الشنزليزيه، دالية دليل، 100وش، هنحب تاني لية، فلانتينو.

مين رشحك لدور نادر في مسلسل أحلام سعيدة ؟ 

اللى رشحنى للدور الكاستينج ديركتور “أحمد الزغبي” ، ويعد هو المسؤل عن تسكين الممثلين فى المسلسل، وهو كلمنى وسالنى أنت يقوم بعرض شغلى علي المخرج “عمرو عرفة”، وهو وافق عليا هو شخص كويس جدا وده بسطني أكتر في التعامل 

ومترددتش لحظة انى أوافق وخاصة أن البطولة للفنانة يسرا 

وكانت من أمنياتي أشتغل مع المخرج عمرو عرفة

حدثنا عن دورك في المسلسل ؟ 

الدور كان مختلف أنا لعبت كوميدي كتير، بس دور نادر كان مختلف شوية، نادر زميل شيرين ” غادة عادل” فى الشغل .

وعايز يجوزها ويفرح بيها، وأنه بيحبها زي أخته ونفسه يفرح بيها . 

كيف تجهزت للدور ؟

أبتديت أعرف تاريخ الشخصية، المستوي والحالة الأجتماعية للنادر، طريقة تعامله مع شيرين .

شغله فى الشركة هل شركة أنترنشونال ولا شركة صغيرة 

وبدأت فعليا أذاكر تفاصيل الشخصية .

حدثنا عن الكواليس مع الفنانة يسرا، وغادة عادل وباقي طاقم العمل ؟ 

الكواليس كانت مريحة جداً والله يقدر يشتغل بأريحية أو يشد الكواليس هو المخرج عمرو عرفة .

هى الكواليس في العموم جميلة جداً وشغلى مع غادة كان كويس جداً 

وده طبيعى لأن غادة فنانة كويسة وجدعة جداً قبل ماتكون نجمة، وأرتحت فى الكواليس جداً معاها .

أنا الفنانة يسرا كنت بشوفها وأحنا داخلين نصور بتكون خلصت فمتجمعناش كتير بس طاقتها جميلة جداً ودايماً كانت بتشجعنا وبتسأل المخرج دايماً عن أدائنا .

الحمدلله المسلسل كانت روحه حميميه جداً 

وشغلي مع الفنانة أنتصار كان جميل جدا 

وشغلى مع الفنان هشام إسماعيل جميل جداً 

والكواليس كانت تحفة

مالذي جذبك لدور نادر في المسلسل ؟ 

تركيبة نادر حلوة جداً ومختلفة والضحك فيها من معتمد على الأفيهات بس، بالعكس معتمد بشكل أكبر على المواقف اللطيفة اللى بتحصل بين نادر وغادة والعرسان اللى كان نادر بيجبهم لغادة، والمواقف كلها كوميدية جدا.

وكنت مبسوط جداً بالعمل مع المخرج “عمرو عرفة” لأنه بيهتم بأداء الممثل جداً، وتعاونى معاه من الحجات اللى فخور أنها تكون فى السيرة الذاتية لملف شغلى .

ماهو أصعب مشهد قد واجهته أثناء التصوير ؟

كنا بنصور فى مدرسة وكان فى حوالي300_400 بنت مجاميع .

المفروض بمجرد مالجرس يرن يجرو يتجمعو عندنا أنا وغادة وزياد.

فعيدنا المشهد أكتر من مرة وخاصة صعوبة خروج ال 300_400 بنت من الفصل ويجرو علينا لدرجة أننا وقعنا كءا مرة أنا وغادة، فكان صعب عشان عدد الكومبرس والمجاميع الكتير

حدثنا عن قصة المسلسل ؟

ميزة المسلسل أنه من المسلسلات اللى كنا مفتقدينها بقالنا سنين، والبطولة الجماعية من الفنة يسرا، والفنانة غادة عادل، وافنانة شيماء سيف، والفنانة أنتصار، والفنانة مى كساب .

كان حد عنده لاين وخط درامي مختلف فكنا فعلا مفتقدين الحبكة الجميلة دي .

ماهى ردود الأفعال حول دور نادر ؟ 

ردود الافعال مكنتش متوقعه خالص أنا أنبسطت جدا بردود الأفعال .

وكمان السوشيال ميديا كانت مبهجة .

خاصة أن نادر كان تريند علي السوشيال ميديا، والأفيهات الى كنت بقولها علمت مع الجمهور وناس كتير بقت فعلا بتقولها.

لكن أنا أتعودت ألمس النجاح من جمهور الشارع، الناس بقت توقفنى وتقول أفيهاتى في المسلسل .

وبيسألوني عن تكملة المسلسل هل نادر وشيرين هيتجوزو فى الأخر ؟

هل يسرا هتفتح ؟ 

وفعلًا ده بالنسبالى النجاح اللي بجد “جمهور الشارع”

وناس كتير كانت حابة الكميا اللى كانت بيني وبين غادة وفرحانين بيها، وده شيئ فرحني وحسسني بالنجاح الاعلى للمسلسل، لأننا قدرنا ببساطة نوصل الشخصية للجمهور بشكل صادق.

هل شخصية نادر فيها تشابه مع شخصيه أحمد شاهين ؟

هى ممكن يكون فيها تشابه فى الافعال وحب الخير للناس والخوف على اللي حوالينا 

ماهو رأيك في شخصية نادر ؟ 

شخصية نادر شخصية لطيفة جدا، وبتحب الخير للى حواليها وده بالفعل موجود فى أغلب الناس، بس تركيبة نادر مختلفة بشكل بحت، شخصية كوميديه بشكل جميل جدا 

هل قابلت في حياتك من يشبه شخصية نادر ؟ 

لا خالص الحقيقة 

لى أصحاب كتير بنات ويخاف عليهم وبحبهم 

بس تركيبة نادر نفسها مقبلتنيش قبل كده وده اللى حمسنى أنى أشتغلها والمؤلفة فعلا أبدعت وخرجت لينا حاجة فى منتهي الجمال

ماهو شعورك في كون أنك أخر ممثل وقف أمام الراحل سمير غانم أمام الكاميرا ؟

كانت من أمنياتى أشتغل مع الراحل سمير غانم والحمدلله ربنا حققلى ده السنة اللي فاتت فى إعلان شركة”we”

وفخور جدا بده 

وكيف رأي الراحل سمير غانم موهبتك ؟

وكان بيقولى أنت شبهى 

قولتله ده يشرفنى

ودار بينا حوار لطيف، وكان فخر ليا أشتغل معاه طبعا الله يرحمه 

وكمان أستاذه دلال عبد العزيز حصل بينا تعاون فى مسلسل “فلنتينو” ربنا يرحمهم يارب 

هل فى أعمال قادمة ؟

أه طبعا فى حاجة بنتفق عليها فى السيزون الجاي بس طبعا مش هينفع أتكلم فيها دلوقتى

محمد

قد يعجبك ايضآ
اترك رد

لن يتم نشر عنوان بريدك الإلكتروني.